Шинэ мэдээ

РИО ТИНТО МОНГОЛИА
ДЭЭД БОЛОВСРОЛЫН ТЭТГЭЛЭГТ ХӨТӨЛБӨР 2009-2010

Рио Тинто нь дэлхийн тэргүүлэх уул уурхайн групп бөгөөд Зүүн Өмнөд Ази , Австрали, Өмнөд болон Хойд Америк , Европ, Африкт уул уурхайн үйлдвэрлэл эрхэлдэг. Тус групп хувьцаа эзэмшигчиддээ хамгийн өндөр ашиг хүртээх, олон жилийн нөөцтэй, томоохон хэмжээний уурхайн төслүүдийг хэрэгжүүлж ирсэн удаан жилийн туршлагатай бөгөөд уул уурхайн ашигт малтмалын бизнесийг алсын хараатай, хариуцлагатай арга барилаар хийсээр ирсэн. Үндсэн бүтээгдэхүүнүүд нь хөнгөн цагааны боракс, нүүрс , зэс, алмаз, алт, төмрийн хүдэр, давс, талк, титанум диоксид зэрэг хөгжингүй болоод хөгжиж буй орнуудын эдийн засгийн хөгжил дэвшилд чухал шаардлагатай материалууд байдаг.

Дэлхийн уул уурхайн тэргүүлэгч компани болох Рио Тинто компани Айвенхоу Майнз компанитай 2006 оны 10-р сарын 18-ны өдрөөс стратегийн түншлэл байгуулсан ба Өмнө-Говь дахь Оюу-Толгойн алт зэсийн уурхайд хамтран ажиллахаар болсон. Оюу толгой төслийн хөрөнгө оруулалтын гэрээ хүлээгдэж байгаа бөгөөд батлагдвал олборлох үйл ажиллагаа эхлэх юм.

Рио Тинто Монголиа , Айвенхоу Майнз компани Зориг сантай хамтран Рио Тинто Монголиа дээд боловсролын 2009-2010 оны хичээлийн жилийн тэтгэлэгт хөтөлбөрийн зарыг хүргэж байна. Хөтөлбөр нь олон улсын болон өөрийн орны уул уурхайн салбарын үйл ажиллагаанд Монгол залуусыг идэвхтэй оролцуулж, тэднийг чадавхжуулах зорилготой.

Хөтөлбөрт дотоодын их дээд сургуулийн өдрийн ангийн 3, 4-р дамжааны Хууль, Эдийн засаг, Санхүү, Геологи, Инженер геологи, Гидрогеологи, Геодези, Геофизик, Геоэкологи, Ашигт малтмалын эрэл хайгуул, Ашигт малтмал баяжуулалтын технологи, Уулын ба ашиглалтын технологи, Хайгуулын өрөмдлөгийн техник технологи, Эдэлбэр газрын кадастр, Маркшейдр, Уул уурхайн менежментийн чиглэлээр суралцаж буй Монгол улсын иргэд оролцож болно.

Шалгарсан 5 оюутанд сургалтын төлбөрөөс гадна сар бүрийн 200 ам,долларын тэтгэлэг олгоно.

Бүрдүүлэх материал:
- Товч анкет /маягтийг татаж авах/
- Тэтгэлэгт хамрагдахыг хүссэн өргөдөл
- Цээж зураг 1%
- 1,2-р дамжааны дүнгийн хуулбар
- Хичээл орж байсан 2 багшийн тухайн оюутны талаарх тодорхойлолт
захидал
- Сургуулийн тодорхойлолт
- Өрхийн орлогын тодорхойлолт /Хорооны засаг даргаас/
- Одоо суралцаж буй мэргэжилээ ямар учраас сонгосон бэ? Энэ нь Монголын уул уурхай, ашигт малтмалын салбарын хөгжилд ямар нөлөө үзүүлэх вэ? гэсэн сэдэвтэй 500 үгтэй эссэ.

Сонирхсон оюутнууд материалаа бүрдүүлэн дараах хаягаар ирүүлнэ үү.

Рио Тинто Монголиа дээд боловсролын тэтгэлэгт хөтөлбөрт
Төв шуудан , ш/х-357
Улаанбаатар хот 14210 шуудангийн хаягаар илгээх буюу
Зориг сан
Энхтайвны өргөн чөлөө 17
Улаанбаатар хот хаягаар авчирч өгнө үү.
Өргөдлийг 2009 оны 9-р сарын 7-ны өдрийн 16.00 цаг хүртэл хүлээж авах бөгөөд эхний шатанд шалгарсан оюутнуудтай 2009 оны 9-р сарын 12-13-нд гарцаарчилсан ярилцлаган хийнэ.
Лавлах утас: 315444

ИХ ДЭЭД СУРГУУЛИЙН
ОЮУТНУУДАД ЗОРИУЛСАН ТЭТГЭЛЭГТ ХӨТӨЛБӨР

Швейцарийн хөгжлийн агентлаг, Зориг сантай хамтран хэрэгжүүлдэг “Оюутны сургалтын тэтгэлэгт хөтөлбөр” 2008-2009 оны хичээлийн жилд тэтгэлэгт хөтөлбөрт хамрагдсан сурлагын амжилт, нийгмийн идэвх зэргээ бууруулаагүй оюутнуудыг 2009-2010 оны тэтгэлэгт хөтөлбөртөө тодорхой шалгуураар хамруулах боллоо.

Бүрдүүлэх материал:
-2008-2009 оны хичээлийн жилийн сурлагын дүн
-2008-2009 онд тэтгэлэг авч байх хугацаанд оюутны эрдэм шинжилгээний хурал, илтгэлийн уралдаан гэх мэт-уралдаан тэмцээнд оролцсон эсэх /сертфикат, батламж зэргийн хуулбар/
Тэтгэлэгт хөтөлбөрт хамрагдаж байх хугацаанд өөрт болон өөрийн амьдралд гарсан өөрчлөлтүүдийн талаар тайлан /нэг нүүр/
Бүрдүүлсэн материалыг 2009 оны 9-р сарын 7-ныг дуустал хүлээн авах ба хугацаа хэтэрсэн материалыг хүлээн авахгүй.

Монгол улсад шинэ залуу, чадварлаг боловсон хүчнийг бэлтгэх ажил нь цаашдын тогтвортой хөгжлийн гол түлхүүр билээ. Иймээс Зориг сан Швейцарийн хөгжлийн агентлагтай (SDC) хамтран дотоодын их дээд сургуулиудад амжилттай суралцаж буй оюутнуудыг дэмжих зорилгоор 2009-2010 оны хичээлийн жилийн тэтгэлэгт хөтөлбөрийнг зарлаж байна.

Тэтгэлэгт хөтөлбөрийн зорилго:
Сурлагын амжилт, нийгмийн идэвхи зүтгэлээр тэргүүлж буй хэдийн ч санхүүгийн тодорхой бэрхшээлийн улмаас үргэлжлүүлэн суралцахад хүндрэлтэй байгаа оюутнуудыг урамшуулах, тэдний нийгмийн амьдралын идэвхи оролцоог хөхиүлэн дэмжих зорилготой.
Хөтөлбөрт хамруулдах шалгуурууд:
- Дотоодын их дээд сургуулийн 2 болон түүнээс дээш курсийн үндсэн ангид суралцаж буй Монгол Улсын иргэн
- Гэр бүл нь амжиргааны баталгаажих төвшинөөс доогуур орлоготой буюу сургалтын төлбөрийг төлөх санхүүгийн боломжгүй
- Сурлагын голч дүн 3,2 ба түүнээс дээш байх
- Оюутан залуучуудын дунд зохиогддог нийгмийн аливаа үйл ажиллагаанд манлайлан оролцдог
Жич:
1. Хөтөлбөрт хамрагдах оюуныг шалгаруулахдаа хөдөө орон нутгийн буюу хот суурин газар шилжин суурьшсан амьжиргааны түвшин доогуур өрхийн хүүхдүүдийг түлхүү харгалзан үзэх болно.
2. Дээрх хөтөлбөрт бусад эх үүсвэрээс тэтгэлэг авч буй оюутнууд хамрагдах боломжгүй.
Хөтөлбөрт хамрагдагсдад тавигдах шаардлага:
Тэтгэлэгт хөтөлбөрт хамрагдсан оюутнууд хамтран нийгэмд тустай жижиг хэмжээний төсөл боловсруулан хэрэгжүүлнэ.
Бүрдүүлэх материал:
- Өргөдлийн маягт (Зориг сангаас бэлтгэсэн маягт бөглөх)
- Сургуулийн тодорхойлолт
- Хоёроос доошгүй багшийн тодорхойлолт (Зориг сангаас бэлтгэсэн маягт бөглөх)
- Суралцсан хугацааны дүнгийн хуулбар
- Өрхийн ам бүл, орлогын тодорхойлолт (Харьяа хороо буюу багийн засаг даргын тодорхойлолт, эцэг эхийн цалингийн тодохойлолт)
- Нийгмийн идэвхи оролцоог үнэлсэн тодорхойлолтууд
- Нэг хувь цээж зураг
- “Тэтгэлэгт хөтөлбөрт өрсөлдөх миний давуу талууд” гэсэн сэдвээр 500 үгтэй эссэ бичих
Шалгаруулалт:
Урьдчилсан шалгаруулалтыг бүрдүүлсэн материалыг үндэслэн, дээр дурдсан шалгуурын дагуу явуулна. Шалгарсан оюутнуудыг ганцаарчилсан ярилцлаганд урьж, ярилцлагын үр дүнгээр эцсийн шалгаруулалтыг хийнэ. Шалгаруулалтыг Зориг сан болон SDC ажилтнуудаас бүрдсэн комисс зохион байгуулна.
Хөтөлбөрт хамрагдах хүсэлтэй оюутнууд шаардлагатай материалыг 2009- оны 9-р сарын 11-ний дотор бүрдүүлэн Зориг санд хүргүүлнэ.

Маягт татаж авах 

Маягт татаж авах 

Зориг сан
Шуудангийн хаяг: Төв шуудан, ш/х 357 Утас: 315444
Байршил: Энхтайвны өргөн чөлөө 17 Email: zorigfoundation@hotmail.com

Хугацаа хоцорсон материалыг хүлээн авахгүй бөгөөд хүлээн авсан материалыг буцааж олгохгүй.

Залуу Лидер Хөтөлбөр VII 2009-2010 зарлагдлаа

Залуу Лидер Хөтөлбөр VII зарлагдлаа
Монгол Улсын хөгжлийг эрчимжүүлэх, ардчиллыг гүнзгийрүүлэх үйлсэд хувь нэмрээ оруулах хүсэл эрмэлзэлтэй, өргөн хүрээтэй мэдлэг эзэмшихийг эрхэмлэдэг залуучуудыг Зориг сан ЗАЛУУ ЛИДЕР ХӨТӨЛБӨР-төө урьж байна.
Хөтөлбөр нь Монгол Улсад ажиллаж, амьдарч буй залуучуудын боловсрол болон ур чадварыг нэмэгдүүлэх, мэдлэг, туршлага, мэдээллийн санг баяжуулахын тулд нийгэм, улс төр, эдийн засаг, бизнес, соёл, хүрээлэн буй орчин, хүмүүнлэгийн олон талт асуудлуудтай танилцуулах, энэ талаархи мэдлэгийг гүнзгийрүүлэхэд чиглэгдэнэ. Залуучуудын өрсөлдөх чадварыг нэмэгдүүлэх, ажил мэргэжлээрээ өсөх боломжоо нээхэд нь дэмжлэг үзүүлэх, түлхэц болох зорилготой уг сургалтыг үндэсний болон гадаадын туршлагатай мэргэжилтэн, лидерүүд, нэр хүнд бүхий байгууллагуудын төлөөлөгчид оролцон явуулах юм.
Зориг сан энэхүү хөтөлбөрийг зургаа дах жилдээ амжилттай хэрэгжүүлхээр зэхэж байна. Уг хөтөлбөрийг төгсөгчид нь нийгмийн олон талт харилцааны талаар дадлага мэдлэг олж авч, сурч, хөдөлмөрлөх, хамтран ажиллах хэлхээ холбоогоо өргөжүүлж, өсч хөгжих үүд хаалгаа нээж чаддаг юм.
Хөтөлбөрийн сургалт нь хичээлийн жилийн турш, хичээлийн тавин хувь нь ажлын бус цагаар, долоо хоногт нэг удаа, 3 цаг хичээллэнэ. Сургалт үнэ төлбөргүй.
Оролцохыг хүсэгчид дараахь шаардлагыг хангасан байна:
• 22 - 25 насны дээд сургууль төгссөн, ажилтай эсвэл одоогоор ажилгүй байж болно,
• Англи хэлний зохих мэдлэгтэй бол сайн.
Дараахь материал бүрдүүлж ирүүлнэ, үүнд:
• Залуу Лидер Хөтөлбөрт хамрагдах шаардлага эрэлт хэрэгцээ, зорилго, хүсэл тэмүүллээ тодорхойлон 500-1000 үгэнд багтаан эссэ бичих,
• Намтар, холбоо барих утас, хаяг (маягтын дагуу)
• Хувь хүн, зан чанар, ажил байдлыг тодорхойлсон тодорхойлолт – 1 ш. Тодорхойлолтыг төгссөн сургуулийн тэнхим эсвэл дипломын ажил удирдсан багш эсвэл шууд удирдлаганд нь ажилладаг албан тушаалтнаас авсан байвал зохимжтой (маягтын дагуу).
Эдгээр материалыг бүрдүүлэх маягтыг монгол, англи хэлээр Зориг сангаас авч болох ба www.ylp.mn веб хуудаснаас хэвлэн авч уг маягтын дагуу бөглөж бүрдүүлэх шаардлагатай.
Шалгаруулах явц:

Шалгаруулалт нь хоёр шатлалтай явагдана.
1. Өргөдлийг 2009 оны 9-р сарын 4-ний өдрийн 16 цаг хүртэл Зориг сан дээр хүлээн авна. Урьдчилсан шалгаруулалтыг эссэ болон өргөдлийн маягтыг үндэслэн хийнэ. Зөвхөн урьдчилсан шалгаруулалтанд тэнцсэн өргөдөл гаргагчдад 9-р сарын 11-ны дотор утсаар мэдэгдэнэ.
2. Урьдчилсан шалгаруулалтанд тэнцсэн залуучуудыг 9-р сарын 12-13-ний өдрүүдэд ярилцлаганд урьж оролцуулна. Шалгаруулалтын эцсийн дүнг 9-сарын 14-ний өдөр мэдээлнэ.

Лавлах утас: 315444

Зориг сан Герман улсын эдийн засгийн институттэй (DWI) хамтран олон улсын семинар зохион байгууллаа.

Байгаль цаг уур, улс төр, эдийн засгийн алдаатай бодлого, өвчин эмгэг, нас баралт зэрэг хүёин зүйлс нь өрхийн орлогод нөлөөлж улмаар ядуурах үндэс болдог. Хөдөө орон нутагт ядуурал үүсгэж байгаа нэг хүчин зүйл нь зуд юм. Иймд Зориг сан Германы эдийн засгийн судалгааны хүрээлэнтэй хамтран “Монгол дахь ядуурал түүнийг даван туулах нь: өнөөгийн чиг хандлага ба ирээдүйн судалгааны хэрэгцээ шаардлага” сэдэвт семинарыг 2009 оны 3-р сарын 12, 13-нд амжилттай зохион байгууллаа.

Семинарыг зохион байгуулсан зорилго нь ядууралтай холбоотой судалгаа, мэдээлэл, түүний даван туулах бодлого, цаашдын судалгааны хэрэгцээ шаардлагыг тодруулах бодлого, судалгаа болон хөгжлийн төслүүдийн хоорондох уялдаа холбооны талаар гадаад, дотоодыэн судлаачид, ядуурлын тухай онол болоод ядуурлын орчныг даж гарах стратегийн судалгааны мэргэжилтнүүдийн уулзаж ярилцаж, санал бодлоо солилцсон юм.

Хоёр өдөр зохион байгуулагдсан уг семинарт Германы Эдийн Засгийн Судалгааны Хүрээлэнгийн эрдэмтэн судлаачид, Монголын нэртэй судлаачид болон Монгол улсын засгийн газрыг төлөөлж ХХААХҮЯ, НХХЯ, Сангийн Яам, ҮСХ-ны мэргэжилтэнгүүд оролцсон юм.

Семинарын материалууд